ཊོ་ནི་ཨེ་སྦོཊ་རྒྱལ་ཁ་ཐོབ་ཡོད་པ།

ཨའོསི་ཊེརི་ལི་ཡའི་སྲིད་བློན་ཀེ་ཝིན་རཱཌ་ཡིས་རྒྱལ་ཡོངས་འོས་བསྡུའི་རྒྱལ་ཁ་ཕྱོགས་འགལ་རྙིང་ཞེན་ཚོགས་པའམ་ Conservative སྣ་སྦྲེལ་ཚོགས་པར་ཐོབ་པར་ངོས་ལེན་གནང་སྟེ། ཐེངས་རྗེས་མའི་ཨའོསི་ཊརེ་ལི་ཡའི་སྲིད་བློན་དུ་ངེས་པ་གུ་ཡངས་ཚོགས་པའི་དབུ་འཁྲིད་སྐུ་ཞབས་ཊོ་ནི་ ཨེ་སྦོཊ་ལགས་སུ་འཚམས་འདྲི་ཞུས་འདུག། གཟའ་སྤེན་པའི་ཉིན་ཨའོསི་ཊརེ་ལི་ཡའི་རྒྱལ་ཡོངས་འོས་བསྡུའི་སྐབས་རྙིང་ཞེན་ཚོགས་པར་མང་མོས་ཆེན་པོའི་རྒྱལ་ཁ་ཐོབ་པ་དེས་ལས་སྩོལ་ཚོགས་པས་འདས་པའི་ལོ་ངོ་དྲུག་རིང་ཆབ་སྲིད་ཀྱི་ཀྱག་ཀྱོག་རང་བཞིན་མང་བས་གཞུང་འཛིན་སྲིད་དབང་མཇུག་བསྒྲིལ་བ་དང་། རྒྱ་ནག་གི་གནད་དོན་ཐོག་མཁས་པ་རིང་མིན་འཁྱུར་འགྲོ་མཁན་སྲིད་བློན་ ཀེ་ཝིན་ རཌ་ཡིས་ཁོང་ལས་སྩོལ་ཚོགས་པའི་དབུ་འཁྲིད་ནས་དགོངས་ཞུ་གནང་རྒྱུ་དང་སླར་ཡང་ལས་སྩོལ་ཚོགས་པའི་དབུ་འཁྲིད་ཀྱི་འོས་བསྡུའི་ནང་ཞུགས་རྒྱུ་མིན་པ་གསུངས་འདུག།
ཕྱི་ལོ་༢༠༡༡ལོའི་ཕྱི་ཟླ་བདུན་པའི་ནང་༧གོང་ས་༧སྐྱབས་མགོན་ཆེན་པོ་མཆོག་ཨའསོ་ཊརེ་ལི་ཡར་ཆིབས་བསྒྱུར་ཞབས་སོར་འཁོད་སྐབས་ད་རེས་རྒྱལ་ཁ་ཐོབ་མཁན་རྙིང་ཞེན་ཚོགས་པའི་དབུ་འཁྲིད་ཊོ་ནི་ཨེ་སྦོཊ་དབུས་སྲིད་དོན་མི་སྣ་གནད་ཡོད་ཁག་ནས་ཡུལ་དེའི་གྲོས་ཚོགས་སུ་གདན་ཞུའི་ཐོག་ཕེབས་བསུ་གཟབ་རྒྱས་ཞུས་གནང་ཡོད་པ་རེད་ལ། ༧གོང་ས་༧སྐྱབས་མགོན་ཆེན་པོ་མཆོག་དང་སྐུ་ཞབས་ཊོ་ནི་ཨེ་སྦོཊ་ཟུར་མཇལ་ཡང་གནང་ཡོད་པ་རེད།།
ཨའོསི་ཊརེ་ལི་ཡའི་གཞུང་གིས་བོད་ནང་རྒྱ་མིའི་བཙོན་ཁང་ནང་ཚོད་མྱོང་མཁན་གྱི་བཙོན་ཟུར་བ་ཆིག་སྟོང་དང་དེ་དག་གི་ནང་མི་ཚོར་ཡུལ་དེའི་ནང་སྐྱབས་བཅོལ་དུ་ལེན་རྒྱུའི་ལས་དོན་འགྲོ་མུས་ཡིན་པ་རེད།།