རྒྱ་ནག་ནང་མཚོ་ཆེ་ཤོས་གཉིས་སྐམ་བཞིན་ཡོད་པ།

༄༅༎རྒྱ་ནག་གི་ནང་དེང་སང་སྤྱི་ལོ་༡༩༦༡ནས་བཟུང་ད་བར་བྱུང་མྱོང་མེད་པའི་འབྲི་ཆུའི་ཆུ་ཚད་དམའ་ཤོས་ཤིག་ཏུ་གྱུར་ནས་དེའི་ཁོར་ཡུག་གི་ཆུ་མཛོིད་མཚེའུ་སོགས་མང་པོ་ཞིག་སྐམ་བཞིན་ཡོད་པས་དེས་རྒྱ་ནག་གི་འབྲི་ཆུའི་ཁོར་ཡུག་ཏུ་གནས་པའི་ཧུ་བྷེ་ཞིང་ཆེན་དང།  ཧུ་ནན། ཅང་ཤི། ཨ་ཧུད། ཅང་སུ། ཀྲའ་ཅང༌། སོགས་ཞིང་ཆེན་དེ་ཚོའི་ནང་གི་སོ་ནམས་ཞིང་ལས་ཐོན་སྐྱེད་དང་མི་མང་གི་ཉིན་རེའི་འཚོ་བར་དོ་ཕོག་ཤུགས་ཆེ་ཞིག་ཐེབ་ཀྱི་ཡོད་པ་རེད།

འབྲི་ཆུའི་གཙང་པོར་བརྟེན་ནས་འཚོ་སྐྱེལ་མཁན་ཉ་པ་དེ་ཚོ་གཙང་ཆུ་ཆུང་དུ་ཕྱིན་པའི་སྟབས་ཉ་པའི་ལས་ཀ་ཁུངས་མ་འཁྱོལ་བར་གྲོང་ཁྱེར་གཞན་ཁག་གི་ནང་ལས་ཀ་འཚོལ་བར་འགྲོ་ཡི་ཡོད་པ་སོགས་རྒྱ་ནག་གི་འབྲི་ཆུའི་མངལ་གྱི་ས་ཁུལ་དེ་ཚོའི་ནང་ཆར་ཆུ་ཡག་པོ་མེད་པའི་སྟབས་ཀྱིས་དེ་ཁུལ་གྱི་ཆུ་མང་པོ་སྐམ་ནས་རྣམ་ཀུན་མི་མང་གི་འཚོ་བར་དཀའ་ངལ་ཞིག་འཕྲད་ཀྱི་ཡོད་པའི་གནས་ཚུལ༎