རྒྱ་ནག་ནང་མ་རྩ་འཛུཌ་འཇོག་མཁན་ཉུང་དུ་ཕྱིན་པ།

༄༅༎རྒྱ་ནག་ནང་མ་རྩ་འཛུགས་འཇོག་བྱེད་མཁན་ཉུང་དུ་ཕྱིན་པ་དང་ ཕྱི་ཚོང་ཉུང་དུ་ཕྱིན་པ་  སོགས་ལ་བརྟེན་ འཛམ་གླིང་དངུལ་ཁང་ཆེན་མོས་རྒྱ་ནག་གི་དཔལ་འབྱོར་འཕེལ་རྒྱས་ཀྱི་ཚད་གཞི་དེ་དམའ་རུ་འགྲོ་རྒྱུའི་སྔོན་དཔག་གནང་གི་ཡོད་པའི་གནས་ཚུལ་འདུག
དེ་ཡང་ཕྱི་ཟླ་ལྔ་པའི་ནང་ འཛམ་གླིང་དངུལ་ཁང་ཆེན་མོས་རྒྱ་ནག་གི་དཔལ་འབྱོར་འཕེལ་ཚད་དེ་བརྒྱ་ཆ་༨དང་གྲངས་ཆུང་༢ཙམ་ཡོང་བའི་ཚོད་དཔག་གནང་ཡོད་ཀྱང་།  འདི་ལོའི་ལོ་མཇུག་བར་དཔལ་འབྱོར་འཕེལ་རྒྱས་བརྒྱ་ཆ་༧དང་གྲངས་ཆུང་༧ཙམ་ལས་ཡོང་རྒྱུ་མིན་ལུགས་གསུང་འདུག  དེ་བཞིན་རྒྱ་ནག་ནས་ནང་འདྲེན་ཤུགས་ཆེ་ཤོས་བྱ་མཁན་ཨ་མེ་རི་ཀ་དང་། ཡུ་རོབ་མཉམ་འབྲེལ་རྒྱལ་ཁབ་ཁག་ལ་དཔལ་འབྱོར་གྱི་དཀའ་ངལ་ཡོད་བཞིན་པ་དེས་རྒྱ་ནག་གི་ཕྱི་ཚོང་ལ་དོ་ཕོག་ཆེན་པོ་ཐེབས་ཡོད་པ་རེད།  རྒྱ་ནག་གཞུང་གིས་ཕྱི་ཚོང་མྱུང་དུ་ཕྱིན་པའི་གྱོང་གུན་་གསབ་ཆེད་ རྒྱ་ནག་མི་མང་གིས་ཉོ་ཤུགས་ཆེ་རུ་བཏང་སྟེ་དཔལ་འབྱོར་འཕེལ་རྒྱས་གཏོང་ཐབས་སུ་འབད་བརྩོན་གནང་བཞིན་ཡིན་པ་རེད། འདི་ལོ་ཙམ་མ་ཡིན་པར་ ད་དུང་མ་འོངས་པར་ཡང་ རྒྱ་ནག་གི་དཔལ་འབྱོར་འཕེལ་རྒྱས་ཆུང་དུ་འགྲོ་བའི་སེམས་འཚབ་མང་པོ་ཞིག་གནང་གི་ཡོད་འདུག།