ཇར་མ་ནིའི་སྲིད་བློན་ནས་བོད་རྒྱ་གྲོས་མོལ་དགོས་པའི་འབོད་སྐུལ།

༄༅༎ཇར་མ་ནིའི་སྲིད་བློན་ཨེན་ཇེ་ལ་མར་ཀེལ་མཆོག་གིས་རྒྱ་ནག་ནས་བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་དང་གྲོས་མོལ་གནང་དགོས་པའི་འབོད་བསྐུལ་གནང་ཡོད་པ་རེད། རེས་གཟའ་ཕུར་བུའི་ཉིན་ཇར་མ་ནིའི་སྲིད་བློན་ཨེན་ཇེ་ལ་མར་ཀེལ་མཆོག་གིས་ཇར་མ་ནིའི་རྒྱལ་ས་སྦར་ལིན་ནང་རྒྱ་ནག་གི་སྲིད་བློན་ལྦན་ཅ་པའོ་དང་གསར་འགོད་ལྷན་ཚོགས་ཤིག་གནང་སྐབས་ང་ཚོས་བོད་ནང་གི་གནས་སྟངས་ཐོག་བཀའ་མོལ་བྱུང་།ཇར་མ་ནིའི་ངོས་ནས་༸གོང་ས་ཏཱ་ལའི་བླ་མ་མཆོག་དང་བཀའ་བསྡུར་འགོ་འཛུགས་གནང་རྒྱུ་དེ་ཕྱོགས་གཉིས་ཀའི་ཁེ་ཕན་ཡིན་སྐོར་ནན་བརྗོད་བྱས་པ་ཡིན།དེའི་ཐོག་ཇར་མ་ནིའི་ངོས་ནས་མཐུན་འགྱུར་གནང་རྒྱུར་གྲ་སྒྲིག་ཡོད་ཅེས་གསུངས་འདུག རྒྱ་ནག་གི་སྲིད་བློན་ལྦེན་ཅ་པའོས་བོད་སྐོར་གང་ཡང་གསུངས་མེད་ཀྱང་ཇར་མ་ནི་དང་རྒྱ་ནག་ངོས་ནས་མི་མཐུན་པའའི་དགོངས་ཚུལ་ཁག་གཟབ་ཅིང་དྲང་པོའི་ཐོག་ལག་བསྟར་བྱ་རྒྱུའི་འདོད་པ་ཡོད་སྐོར་གསུངས་འདུག དེ་སྔོན་ཕྱི་ལོ་༢༠༠༧ལོར་སྲིད་བློན་མར་ཀེལ་མཆོག་གིས་སྲིད་བློན་ལས་ཁུངས་ནང་བོད་ཀྱི་བླ་ན་མེད་པའི་དབུ་འཁྲིད་སྤྱི་ནོར་༸གོང་ས་༸སྐྱབས་མགོན་ཆེན་པོ་མཆོག་གདན་ཞུ་གནང་བ་དེར་རྒྱ་ནག་གིས་ཁོང་ཁྲོ་ཆེན་པོའི་ཐོག་ཡུལ་གཉིས་བར་གྱི་འབྲེལ་བའི་ཐོག་དོ་ཕོག་སྤྲད་ཀྱང་ད་ཐེངས་ལྦེན་ཅ་པའོས་དཀའ་རྙོག་དེ་སེལ་ཡོད་པའི་རྣམ་འགྱུར་བསྟན་ཡོད་པ་རེད༎