သတင်းနှင့် ဆောင်းပါးများ သိုမှီးရေးစနစ်
2020-12-01
တပ်မတော်ကာကွယ်ရေး ဦးစီးချုပ်ဗိုလ်ချုပ်မှူးကြီး မင်းအောင်လှိုင်နဲ့ ကချင်နှစ်ခြင်း အသင်းတော် KBC ဥက္ကဋ္ဌ ဒေါက်တာ ခလမ်ဆမ်ဆွန်ဦးဆောင်တဲ့ အဖွဲ့နဲ့ ဒီကနေ့ ကချင်ပြည်နယ် မြစ်ကြီးနားမြို့မှာတွေ့ဆုံခဲ့ပြီး မြစ်ဆုံစီမံကိန်းအပါအဝင် ကိုဗစ်ရောဂါကူးစက်မှု၊ ငြိမ်းချမ်းရေးနဲ့ ဒုက္ခသည် နေရပ်ပြန်လည်အခြေချရေးကိစ္စတွေကို ဆွေးနွေးခဲ့တယ်လို့ KBC ဥက္ကဋ္ဌက RFA ကို ပြောပါတယ်။
2020-12-01
နိုင်ငံတော် သမ္မတက အဂတိ လိုက်စားမှု တိုက်ဖျက်ရေး ကော်မရှင် ဥက္ကဋ္ဌ ဦးအောင်ကြည်ကို မိမိသဘော ဆန္ဒအလျောက် ရာထူးကနေ နုတ်ထွက်ခွင့် ဒီနေ့ခွင့်ပြုလိုက်တယ်လို့ ကော်မရှင်ပြောရေးဆိုခွင့်ရှိသူ ဦးကျော်စိုးက RFA ကို ပြောပါတယ်။
2020-12-01
ရှမ်းပြည်နယ်မြောက်ပိုင်း၊ နမ္မတူမြို့မှာရှိတဲ့ မြန်မာအထွဋ်အထိပ် သတ္တုစက်ရုံက အလုပ်ရပ်နားထား ခံရတဲ့ အလုပ်သမား ၁၀၀ ကျော်ဟာ အလုပ်ရှင်၊ အလုပ်သမား စာချုပ်ပါ သဘောတူ ညီချက်အတိုင်း တနေ့ငွေကျပ် ၃၀၀၀ ခန့်ပုံမှန်ပေးဖို့ လိုလားကြပါတယ်။
2020-12-01
မန္တလေးခရိုင်အတွင်း ကိုရိုနာဗိုင်းရပ်စ် ကူးစက်ခံရသူ တွေ့ရှိမှု လူတစ်ထောင်မှာ လေးယောက်နှုန်း ရှိနေကြောင်း မန္တလေးတိုင်း ဝန်ကြီးချုပ် ဒေါက်တာ ဇော်မြင့်မောင်က ပြောပါတယ်။
2020-12-01
ကပ်ဘေးကာလအတွင်း ကျင်းပတဲ့ ၂၀၂၀ အထွေထွေ ရွေးကောက်ပွဲမှာ ပြည်ထောင်စုအဆင့်နဲ့ တိုင်းနဲ့ပြည်နယ်အဆင့် လွှတ်တော်အသီးသီး အတွက် ဆန္ဒမဲပေးမှု ရာခိုင်နှုန်းဟာ ၇၁ ရာခိုင်နှုန်းကျော် ရှိခဲ့တယ်လို့ ပြည်ထောင်စု ရွေးကောက်ပွဲကော်မရှင်က နိုဝင်ဘာ ၃၀ ရက်နေ့မှာ သတင်းထုတ်ပြန်ပါတယ်။
2020-11-30
နိုဝင်ဘာလ (၈) ရက်နေ့က ကျင်းပခဲ့တဲ့ ရွေးကောက်ပွဲအတွင်း တပ်မိသားစုဝင်တွေ မဲပေးခဲ့တဲ့ (၂၁၈) မြို့နယ်က ရွေးကောက်ပွဲဖြစ်စဉ်တွေကို ပြန်လည်စိစစ်နေတယ်လို့ တပ်မတော်သတင်းမှန်ပြန်ကြားရေးအဖွဲ့က ဒီကနေ့ထုတ်ပြန်လိုက်ပါတယ်။
2020-11-30
ရခိုင်ပြည်နယ်မှာ တပ်မတော်နဲ့ AA အကြား တိုက်ပွဲမဖြစ်တာ ရက် ၂၀ ကျော် ကြာလာပြီမို့ ဒီအခြေအနေကတစ်ဆင့် ငြိမ်းချမ်းရေးအတွက် ပိုကောင်းလာဖို့ မျှော်လင့်တယ်လို့ တပ်မတော်ဘက်က ပြောပါတယ်။ တပ်မတော်နဲ့ AA တာဝန်ရှိသူတွေ လူချင်းတွေ့ဆုံ ဆွေးနွေးနိုင်ဖို့ ကြားလူတွေကတဆင့် ညှိနှိုင်းနေတယ်လို့ AA ဘက်က အတည်ပြု ပြောဆိုပါတယ်။
2020-11-30
ရခိုင်ပြည်နယ်က တိုက်ပွဲတွေကြောင့် အိုးအိမ်စွန့်ခွာ ထွက်ပြေးတိမ်းရှောင်နေရတဲ့ စစ်ဘေးဒုက္ခသည်တွေ နေရပ်ပြန်နိုင်နိုင်ဖို့ အစိုးရက စာရင်းတွေ စတင်ကောက်ယူနေပါတယ်။
2020-11-30
၂၀၂၀ ရွေးကောက်ပွဲမှာ NLD ပါတီက တိုင်းဒေသကြီး လေးခုမှာ တိုင်းလုံးကျွတ် အနိုင်ရခဲ့ပြီး ကျန်တဲ့ တိုင်းနဲ့ ပြည်နယ်တချို့မှာလည်း နေရာအားလုံးနီးပါး အနိုင် ရရှိထားတာကြောင့် တစ်ပါတီတည်းက လွှမ်းမိုးနေမယ့် လွှတ်တော်တွေဟာ သက်ဆိုင်ရာ အစိုးရအဖွဲ့တွေကို ထိန်းကျောင်းနိုင်ပါ့မလားလို့ မေးခွန်းထုတ်နေကြပါတယ်။
2020-11-30
၂၀၂၀ အထွေထွေရွေးကောက်ပွဲဟာ လွတ်လပ်သန့်ရှင်းတဲ့ ရွေးကောက်ပွဲမဟုတ်ဘူးဆိုပြီး မန္တလေးတိုင်း၊ မတ္တရာမြို့နယ်၊ မဲဆန္ဒနယ်အမှတ် (၁) ကနေ ဒီမိုကရက်တစ်ပါတီ (မြန်မာ)ပါတီကိုယ်စားပြု ရွေးကောက်ပွဲဝင်ခဲ့တဲ့ ဦးရဲဝင်းက ဒီနေ့ မတ္တရာမြို့မှာ ဆန္ဒဖော်ထုတ်ဖို့ ပြင်ဆင်နေစဉ် စီမံခန့်ခွဲရေး ကော်မတီဝင်တွေက လာရောက်တားမြစ်လို့ ဆန္ဒထုတ်ဖော်ခွင့်မရခဲ့ပါဘူး။
2020-11-30
လက်ရှိအစိုးရ သက်တမ်း ၅ နှစ်တာကာလမှာ ငြိမ်းချမ်းရေးလုပ်ငန်းတွေ နှောင့်နှေးခဲ့ပြီး အစိုးရသစ် ပြန်လည်ဖွဲ့စည်းမယ့် လာမယ့် ၅ နှစ်တာကာလမှာ နိုင်ငံရေးအရ တန်းတူဆွေးနွေးတာတွေ လုပ်ဆောင်ပေးဖို့ တိုင်းရင်းသား လက်နက်ကိုင် အဖွဲ့အစည်းတွေက လိုလားနေကြပါတယ်။
2020-11-29
လက်ပံတောင်းတောင် ကြေးနီစီမံကိန်း ဖျက်သိမ်းရေး သပိတ်စခန်းဖွင့် ဆန္ဒပြနေသူတွေကို ရဲတပ်ဖွဲ့က အကြမ်းဖက်ဖြိုခွင်းခဲ့တာ ရှစ်နှစ်ပြည့် နှစ်ပတ်လည်နေ့ အစီအစဉ်ကို ရန်ကုန်မြို့တော် ခန်းမရှေ့မှာ နိုင်ငံရေးတက်ကြွလှုပ်ရှားသူတချို့နဲ့ သံဃာတော်တွေက ဒီနေ့ ကျင်းပခဲ့ပါတယ်။
2020-11-29
ကိုရိုနာဗိုင်းရပ်စ် ကပ်ရောဂါကာလ ရန်ကုန်မှာပိတ်မိနေတဲ့ မွန်ပြည်နယ်က လူ ၃၀ နီးပါးကို ပြည်နယ်အစိုးရရဲ့ ခွင့်ပြုချက်နဲ့ အရပ်ဘက်အဖွဲ့တစ်ခုက ပထမဆုံးအကြိမ် မနေ့က အခမဲ့ပြန်ခေါ်ခဲ့ပါတယ်။
2020-11-29
မလေးရှားနိုင်ငံမှာ မြန်မာနိုင်ငံသားတွေအပါအဝင် နိုင်ငံခြားသား စက်ရုံအလုပ်သမားတွေကို ကိုဗစ်ရောဂါပိုး ရှိ၊ မရှိ စစ်ဆေးပေးနေပါတယ်။
2020-11-29
ဂျပန်အစိုးရရဲ့ မြန်မာနိုင်ငံဆိုင်ရာ အထူးကိုယ်စားလှယ်နဲ့ မြန်မာနိုင်ငံဆိုင်ရာ ဂျပန်သံအမတ်ကြီးတို့ဟာ ရွေးကောက်ပွဲ မကျင်းပနိုင်ခဲ့တဲ့ ရခိုင်ပြည်နယ် မြောက်ပိုင်းကို နိုဝင်ဘာလ ၂၈ ရက် မနေ့က သွားရောက်လေ့လာခဲ့ပါတယ်။ ရခိုင်မြောက်ပိုင်းက ချန်လှပ်ထားခဲ့တဲ့ မြို့နယ်ကိုးခုမှာ ရွေးကောက်ပွဲကျင်းပဖို့ ရွေးကောက်ပွဲကော်မရှင်ကို တိုက်တွန်းသွားမယ်လို့လည်း ပြောပါတယ်။
