သတင်းနှင့် ဆောင်းပါးများ သိုမှီးရေးစနစ်
2015-10-14
ကယားပြည်နယ် ဖာဆောင်းမြို့နယ် မော်ချီးသတ္တု တွင်းဒေသက မြေပြိုမှုမှာ သေဆုံးသူ ၂၈ ဦးထိရှိ သွားပြီလို့ အရပ်ဘက် ကူညီကယ်ဆယ်ရေးဆောင် ရွက်နေသူတွေကတဆင့် ဒီနေ့ စုံစမ်းသိရှိရပါတယ်။
2015-10-14
ရှမ်းပြည်နယ် အရှေ့ပိုင်း တာချီလိတ် မြို့နယ် မိုင်းလင်းကျေးရွာမှာရှိတဲ့ နားဟိုင်းလုံဒေသ ရွှေတူးဖော်ရေးလုပ်ငန်းခွင်ကို မနေ့က သွားရောက်ခဲ့တဲ့ ရွာသားတချို့ကို စစ်တပ်က သေနတ်နဲ့ ခြိမ်းခြောက်ပစ်ခတ်ခဲ့တာကြောင့် ဒေသခံ ၁ ဦး သေဆုံးပြီး ၅ ဦး ဒဏ်ရာရရှိခဲ့တယ်လို့ ရှမ်းလူ့အခွင့်အရေးမဏ္ဍိုင်နဲ့ ရှမ်းလယ်သမားများကွန်ရက်က ကြေညာချက်ထုတ်လိုက်ပါတယ်။
2015-10-14
ရှမ်းပြည်နယ်မြောက်ပိုင်း မန်တုံမြို့နယ် နဲ့မိုးမိတ်မြို့နယ်အစပ်က မော်လုံ အထက်ကျေးရွာနဲ့ အောက်ရွာအကြားမှာ အစိုးရတပ်မ ၇၇ နဲ့ တအာင်းတပ်တွေ တိုက်ပွဲဖြစ်ပွား တာကြောင့် မော်လုံ အထက်ကျေးရွာက ရွာသား ၄ ယောက် ဒဏ်ရာရရှိခဲ့ပြီး မန်တုံပြည်သူ့ဆေးရုံမှာ ဆေးကုသနေတယ် လို့ သိရပါတယ်။
2015-10-14
ကယားပြည်နယ် ဖာဆောင်းမြို့နယ် က မော်ချီးသတ္တုတွင်းဒေသကို ပညာရှင်တွေနဲ့ စမ်းသပ်ပြီး ဒေသခံတွေ ဆက်လက် နေသင့် မနေသင့် ဆုံးဖြတ်သွားမယ်လို့ ကယားပြည်နယ်အစိုးရအဖွဲ့ တာဝန်ရှိသူတစ်ဦးက ပြောပါတယ်။
2015-10-14
ထိုင်းနိုင်ငံရောက် မြန်မာနိုင်ငံသားတွေ အနေနဲ့ ၂၀၁၅ ရွေးကောက်ပွဲအတွက် ကြိုတင်မဲတွေကို လာမယ့် အောက်တိုဘာ လ ၁၇ ရက်နေ့ စနေနေ့မှာ ဘန်ကောက်မြို့က မြန်မာသံရုံးနဲ့ ချင်းမိုင်မြို့က ကောင်စစ်ဝန်ရုံးတွေမှာ မဲဆန္ဒပေးခွင့်ရ မှာဖြစ်ပြီး ပုံစံ ၁၅ နဲ့ မဲပေးခွင့် လျှောက်ထားသူတွေထဲမှာ နာမည်စာရင်းမပါသူတွေလည်းရှိတယ်လို့ သိရပါတယ်။
2015-10-14
လာမယ့်ရွေးကောက်ပွဲအတွက် ကြိုတင်မဲထည့်နိုင်ဖို့၊ စင်္ကာပူနိုင် ငံရောက် မြန်မာနိုင်ငံသားတွေ မြန်မာ သံရုံးမှာ ပုံစံ (၁၅)ကို ဖြည့်စွက်ပြီး တင်ခဲ့ပေမဲ့၊ ပြန် လည်ရောက်ရှိလာတဲ့ မဲစာရင်းမှာ အမည်မပါသူတွေ အများအပြား ရှိနေတယ်လို့ စင်္ကာပူရောက် မဲဆန္ဒရှင်တွေ က ပြောပါတယ်။
2015-10-13
လာမယ့်ရွေးကောက်ပွဲကို ရက်ရွှေ့ ဆိုင်းတော့မှာမဟုတ်ဘဲ မူလစီစဉ် ထားတဲ့အတိုင်း နိုဝင်ဘာ ၈ ရက်နေ့မှာပဲ ကျင်းပ မှာဖြစ်တယ်လို့ ပြည်ထောင်စု ရွေးကောက်ပွဲကော်မရှင်က မနေ့က ကြေညာချက်ထုတ်ပြန်ခဲ့ပါတယ်။
2015-10-13
တပ်မတော်ဝတ်စုံတွေ အရောင်ပြောင်း လဲခဲ့တာနဲ့ ပတ်သက်ပြီး တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ဓာတ်ပုံနဲ့ သရော်ထားတဲ့စာကို အင်တာနက် ဖေ့စ်ဘွတ်မှာ တင်ခဲ့တာကြောင့် မအူပင်မြို့ခံ မချောစန္ဒီထွန်း ဆိုသူ NLD အဖွဲ့ဝင်တစ်ဦးကို အီလက်ထရောနစ်အက် ဥပဒေနဲ့ မနေ့က ဖမ်းဆီးလိုက်ပြီး မအူပင်မြို့နယ်တရားရုံးမှာ ဒီနေ့ ရုံးထုတ် ခဲ့ပါတယ်။
2015-10-13
မွန်ပြည်နယ်၊ ဘီးလင်းမြို့နယ်မှာ NLD အမျိုးသားဒီမိုကရေစီအဖွဲ့ချုပ်က မဲဆွယ် စည်းရုံးတဲ့အခါ NDF အမျိုးသားဒီမိုကရေစီအင်အားစုပါတီ ကို ပုတ်ခတ်ပြောဆိုမှုတွေရှိနေတာကြောင့်ဆိုပြီး အရေး ယူ ဆောင်ရွက်ပေးဖို့ NDF ပါတီက ဘီးလင်းမြို့ နယ် ရွေးကောက်ပွဲကော်မရှင်အဖွဲ့ခွဲထံ မနေ့က တိုင်ကြား လိုက်ပါတယ်။
2015-10-13
ကချင်ပြည်နယ် မြစ်ကြီးနားခရိုင် ချီဖွေမြို့ နယ်အတွင်း မဲဆွယ်စည်းရုံးရေး သွားရောက်နေတဲ့ အမျိုးသား ဒီမိုကရေစီအဖွဲ့ချုပ် NLD ရဲ့ ကိုယ်စားလှယ်လောင်း ၃ ဦးနဲ့ ပါတီဝင် ၄ ဦး စုစုပေါင်း ၇ ဦးကို တရုတ်-မြန်မာနယ်စပ် ကချင်အထူးဒေသ ၁ နယ်မြေ ကန်းဖန့်ရွာမှာ မနေ့ည ၈ နာရီမှာ လက်နက်ကိုင်လူတစ်စုက ရိုက်နှက်ခဲ့ပြီး ပစ္စည်းတွေကို ဖျက်ဆီးခဲ့ပါတယ်။
2015-10-13
သာယာဝတီအကျဉ်းထောင်မှာ ဖမ်းဆီးခံ ထားရတဲ့ ကျောင်းသားခေါင်းဆောင် ကိုအောင်မှိုင်းဆန်း အပါအဝင် ကျောင်းသား ကျောင်းသူတွေနဲ့ ဝန်းရံသူ ဦးရေ ၇ဝ ကို စွဲဆိုထားတဲ့အမှုတွေကို ပယ်ဖျက်ပေးဖို့ အတွက် ကျောင်းသားတွေရဲ့ ရှေ့နေက တင်ပြထားတာနဲ့ ပတ်သက်ပြီး ပဲခူးတိုင်းတရားရုံးက လာမယ့် နိုဝင်ဘာလ ၂ ရက်နေ့မှာ အမိန့်ချဆုံးဖြတ်ပေးမှာဖြစ်တယ်လို့ သိရပါတယ်။
2015-10-13
တိုင်းရင်းသားလက်နက်ကိုင်အဖွဲ့ ၈ ဖွဲ့နဲ့ ဦးသိန်းစိန်အစိုးရတို့ အောက်တိုဘာလ ၁၅ ရက်နေ့ နေပြည်တော်မှာပြုလုပ်မယ့် အပစ်ရပ်စာချုပ် လက်မှတ်ထိုးပွဲကို ကရင်အမျိုးသားအစည်းအရုံး KNU ဒုဥက္ကဌ နော်စီဖိုးရာစိန်က သူ့အနေနဲ့ တက်ရောက်နိုင်မှာ မဟုတ်ဘူးလို့ ပြည်ထောင်စုငြိမ်းချမ်းရေး ဖော်ဆောင်မှု လုပ်ငန်းကော်မတီ ဒုဥက္ကဌ ဝန်ကြီးဦးအောင်မင်းဆီ ကို အောက်တိုဘာလ ၁၂ ရက်နေ့က စာရေးသားအကြောင်း ကြားလိုက်ပါတယ်။
2015-10-13
ကယားပြည်နယ် ဖာဆောင်းမြို့နယ် က မော်ချီးသတ္တုတွင်းဒေသမှာ မိုးကြီးပြီး မြေပြိုကျမှုကြောင့် သေဆုံးသူ အနည်းဆုံး ၁၇ ဦးရှိကြောင်း အစိုးရပိုင်သတင်းမီဒီယာတွေက ဖော်ပြ ပါတယ်။
2015-10-13
နိုဝင်ဘာလ ၈ ရက်နေ့မှာ ကျင်းပဖို့ သတ်မှတ်ထား တဲ့ ရွေးကောက်ပွဲရက်ကို မရွှေ့ဆိုင်းတော့ဘဲ မူလသတ်မှတ်ရက်အတိုင်း ကျင်းပသွားမယ် လို့ ပြည်ထောင်စု ရွေးကောက်ပွဲကော်မရှင်က ဒီကနေ့ ညနေပိုင်းမှာ သတင်းထုတ်ပြန်ပါတယ်။
2015-10-12
မြန်မာနိုင်ငံက လူငယ်များအတွက် အရေး ကြီးတဲ့ သတင်း အချက်အလက်များကို ပံ့ပိုးပေးထားပြီး New Niti လို့ အမည်ပေးထားတဲ့ ခေတ်မီ အသိပညာပေးရေး App အပလီကေးရှင်းတစ်ခုကို မြန်မာ လူငယ်အဖွဲ့အစည်းတချို့နဲ့ လက်တွဲပူးပေါင်းပြီး မကြာ ခင်ဖြန့်ဝေပေးတော့မယ်လို့ One World ဆိုတဲ့ICT အဖွဲ့ က ကြေညာလိုက်ပါတယ်။
